Монголын Шог зураачдын “Шогч Бийр” холбоо, Монголын Хүний Эрхийн Эмнести Интернешнл байгууллагатай хамтарсан “Хүний эрх эрх чөлөө” шог зургийн үзэсгэлэн 2023 оны 12 дугаар сарын 08-ний өдөр 15 цагт нээлтээ хийв. Уг үзэсгэлэнгийн нээлтэнд НҮБ-ийн Ази номхон далай хариуцсан комиссар болон НҮБ-ийн монгол дахь суурин төлөөлөгчид, гадаад дотоодын томоохон олон төлөөлөгчид оролцов. Үзэсгэлэн нь НҮБ-ийн хүний эрхийн тунхаглал батлагдсаны 75 жил, хүний эрхийн төлөө тэмцэгчдийн тунхаглал батлагдсаны 25 жилийн ойтой давхцаж байгаагаараа онцлог байв. Үзэсгэлэнд 10 шог зураачдын нийт 75 бүтээл ирсэн ба “Оны шилдэг” бүтээлээр шог зураач СТА А.Амарсайханы бүтээл шалгарав.
